1 րոպեի ընթերցում
Թուրքիայի արտաքին գործերի նախարար Հաքան Ֆիդանն անդրադարձել է Քուրդիստանի աշխատավորական կուսակցության ինքնալուծարմանը:
Ինչպես հաղորդում է «Արմենպրես»-ը, հայտնում են թուրքական ԶԼՄ-ները:
Ֆիդանը Քուրդիստանի աշխատավորական կուսակցության (PKK) ինքնալուծարումն անվանել է կարևոր քայլ և նշել, որ չնայած առաջընթացին՝ դեռ շատ քայլեր պետք է ձեռնարկվեն։
Ֆիդանը հայտնել է նաև, որ Թուրքիայի նախագահ Ռեջեփ Թայիփ Էրդողանը կառավարության նիստից հետո այսօր դիմելու է հանրությանը և իր կարծիքն է հայտնելու PKK-ի ինքնալուծարման հարցով։
Թեմային անդրադարձել է նաև Թուրքիայում իշխող «Արդարություն և զարգացում» կուսակցության խոսնակ Օմեր Չելիքը:
Նա նշել է, որ PKK-ի ինքնալուծարումը կարևոր է «առանց ահաբեկչության Թուրքիայի» ստեղծման հարցում և հավելել, որ Էրդողանը կհայտարարի այս գործընթացի հաջորդ քայլերի մասին: