1 րոպեի ընթերցում
Ուզբեկստանի նախագահ Շավքաթ Միրզիյոևը և Ադրբեջանի նախագահ Իլհամ Ալիևը հեռախոսազրույց են ունեցել, որի ընթացքում քննարկել են երկկողմ հարաբերություններին առնչվող հարցերի լայն շրջանակ։
«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները՝ հղում կատարելով Իլհամ Ալիևի աշխատակազմի տարածած հաղորդագրությանը։
Նշվում է, որ պետությունների ղեկավարները քննարկել են ուզբեկա-ադրբեջանական բարեկամության, ռազմավարական գործընկերության և դաշնակցային հարաբերությունների հետագա ամրապնդման հարցերը:
Հեռախոսազրույցի ընթացքում մտքերի փոխանակում է տեղի ունեցել Ադրբեջանի նախագահի՝ անցյալ տարվա օգոստոսին Ուզբեկստան կատարած պետական այցից հետո ձեռք բերված պայմանավորվածությունների գործնական իրականացման վերաբերյալ։
Ադրբեջանի և Ուզբեկստանի նախագահները նաև մտքեր են փոխանակել տարածաշրջանային օրակարգի շուրջ, քննարկել են առաջիկա բազմակողմ միջոցառումները և Թյուրքական պետությունների կազմակերպության շրջանակներում համագործակցությունը։