Միջնադարյան անառիկ ամրոցն արտացոլում է Հայաստանի հարուստ պատմամշակութային ժառանգությունը. ԱՄՆ դեսպանն այցելել է Լոռի Բերդ
1 րոպեի ընթերցում
Հայաստանում Ամերիկայի Միացյալ Նահանգների դեսպան Քրիստինա Քվինն օրերս այցելել է 11-րդ դարի Լոռի Բերդ ամրոց: «Արմենպրես»-ի փոխանցմամբ՝ այս մասին տեղեկացրել են դեսպանությունից՝ ընդգծելով, որ դեսպան Քվինը շարունակում է բացահայտել Հայաստանի պատմական հուշարձանները:
«Օրերս նա 11-րդ դարի Լոռի Բերդ ամրոցում էր։ Միջնադարյան անառիկ ամրոցն այսօր էլ ներկայանում է իր վեհաշուք գեղեցկությամբ և լավագույնս արտացոլում է Հայաստանի հարուստ պատմամշակութային ժառանգությունը»,- նշված է ՀՀ-ում ԱՄՆ դեսպանության տարածած հաղորդագրության մեջ: