Շարունակելու ենք ոլորտի ընդհանուր զարգացմանը միտված աշխատանքը. ԱՏՁՄ նախագահ

2 րոպեի ընթերցում

Առաջատար տեխնոլոգիաների ձեռնարկությունների   միության հիմնական նպատակն է երկար տարիների աշխատանքի արդյունքում ձևավորված համախմբվածության շնորհիվ հասնել նոր նվաճումների և բարձունքների՝ ամրապնդելով տեխնոլոգիական աշխարհում Հայաստանի դիրքերը: 

«Արմենպրես»-ի թղթակցի հետ զրույցում այս մասին նշեց Առաջատար տեխնոլոգիաների ձեռնարկությունների միության (ԱՏՁՄ) նախագահի պաշտոնում վերընտրված Ալեքսանդր Եսայանը, որը նաև Team ընկերությունների խմբի համահիմնադիրն է:

«Արդեն 7-8 տարի նախագահում եմ ԱՏՁՄ-ում, որը, ինչպես գիտեք, ձևավորվել է 24 տարի առաջ: Կարեն Վարդանյանի հիմնադրած այս միությունը գործունեության ողջ ընթացքում միշտ ձգտել է ներկայացնել ոչ թե նեղ շրջանակի, այլ ընդհանրապես ոլորտի շահերը: Կարծում եմ, որ այս մոտեցումն ամուր խարսխվել է բոլորիս գիտակցությունում: Ի սկզբանե 10 անդամ ունեցող ԱՏՁՄ-ին այսօր արդեն անդամակցում է 216 ընկերություն, Միությունն ապահովում է Հայաստանում IT ոլորտի վճարած հարկերի ավելի քան 70 տոկոսը: Այսինքն, արդեն ներկայացնում ենք ոչ թե առանձին ընկերություններ, այլ ոլորտը: Ըստ այդմ, շարունակելու ենք ոլորտի ընդհանուր զարգացմանը միտված աշխատանքը և տարբեր ծրագրերի ու նախագծերի իրականացումը: Այդ թվում՝ մտադիր ենք «Դիջիթեք»-ը դարձնել միջազգային հարթակ՝ մասնակցությանը ներգրավելով նաև արտասահմանյան ընկերությունների»,- նշեց Ալեքսանդր Եսայանը: 

Նա ընդգծեց, որ ոլորտի զարգացումն ապահովելու առումով այսօր, երբ արհեստական բանականության ներդրմամբ IT ոլորտն ամբողջ աշխարհում որոշակիորեն փոփոխության է ենթարկվում, Հայաստանում հույժ կարևոր է շատ արագ արձագանքել իրադարձությունների զարգացմանը և մարտահրավերներին: Նշվեց, որ ի թիվս այլ խնդիրների՝ պետք է առանձնակի ուշադրություն դարձնել կիբեռանվտանգության ապահովմանը:

Հայերեն

ՍոֆթԿոնստրակտն ու Հայաստանի ֆրանսիական համալսարանը նոր հուշագիր են ստորագրել

Իտալական խոհանոցի շաբաթը մեկնարկեց Երեմյան Ակադեմիայում. հայ-իտալական խոհարարական դիվանագիտության 5-րդ տարին

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Կասեցվել է «ՎԱՐԳԱ-ՖՈՒԴ»-ի պահածոների արտադրամասի գազի կաթսաների շահագործումը

ՀՀ նոր Սահմանադրության նախագիծը կհրապարակվի նոյեմբերի 23-ին

Հարավային Կորեայում հայտնաբերվել է 10 տարվա ընթացքում խոլերայով վարակման առաջին դեպքը

Դեսպան Մկրտչյանն ու ԱՄՆ Կոնգրեսի Ներկայացուցիչների պալատի անդամները քննարկել են երկկողմ օրակարգի ընթացիկ զարգացումները

Մոսկվան Ուկրաինայի՝ ԵՄ-ին անդամակցությունը կապում է Ռուսաստանի անվտանգության հարցերի հետ

ՀՀ ԿԳՄՍ նախարարն ու Եվրոպական մարմնամարզության պատվիրակությունը քննարկել են Երևանում կայանալիք Եվրոպայի առաջնության նախապատրաստական աշխատանքը

Արմստատն առաջին անգամ հրապարակել է Հայաստանի ստեղծարար տնտեսության վերաբերյալ վիճակագրական տեղեկագիր