Աշխարհ

Հարավային Կորեայում հայտնաբերվել է 10 տարվա ընթացքում խոլերայով վարակման առաջին դեպքը

1 րոպեի ընթերցում

Հարավային Կորեայում հայտնաբերվել է 10 տարվա ընթացքում խոլերայով վարակման առաջին դեպքը

Հարավային Կորեայում գրանցվել է 2016 թվականից ի վեր խոլերայով վարակման առաջին դեպքը: «Արմենպրես»-ի փոխանցմամբ՝ այս մասին հաղորդում է The Associated Press գործակալությունը։

Կորեայի Հիվանդությունների վերահսկման և կանխարգելման գործակալությունը հայտնել է, որ բուժաշխատողները լաբորատոր հետազոտությունների նմուշների հիման վրա հաստատել են խոլերայի դեպք։ Նոյեմբերի սկզբին հիվանդը փսխման և փորլուծության ախտանշաններով դիմել է երկրի հարավարևելյան Չանվոն նավահանգստային քաղաքի հիվանդանոցի անհետաձգելի օգնության բաժանմունք։ Նոյեմբերի 17-ին հիվանդն ապաքինվել և դուրս է գրվել հիվանդանոցից։

Ներկայում բուժաշխատողները փորձում են պարզել վարակի աղբյուրը, ինչպես նաև հայտնաբերել այն անձանց, որոնց հետ հիվանդը շփում է ունեցել։

Հարավային Կորեայում խոլերայով վարակման վերջին երեք դեպքը գրանցվել է 2016 թվականին։ Այն ժամանակ դա կապված է եղել սննդի մեջ վարակված ծովամթերքի օգտագործման հետ։

Կարդացեք հոդվածը` Русский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում