1 րոպեի ընթերցում
Երևանի «Արարատ» ֆուտբոլային ակումբը նոր համալրում ունի թիմի կազմում:
«Արմենպրես»-ի փոխանցմամբ`այս մասին հայտնում է ակումբի մամուլի ծառայությունը: 2025 թվականին «Արարատի» առաջին նորեկն է ֆրանսիացի պաշտպան Մարվին Էվունա Էտունդին:
2001 թվականի ապրիլի 6-ին ծնված ֆուտբոլիստն «Արարատի» հետ պայմանագիր է ստորագրել հաջող փորձաշրջանից հետո:
Էվունան հանդես է եկել «Հավր»-ի երիտասարդական թիմերում, ֆրանսական «Նյոր II» և «Ռոան Լ՛Էտապ» ակումբներում, իսկ նրա վերջին թիմն էր բելգիական «Վիրտոն»-ը:
Մարվին Էվունան «Արարատում» կխաղա 92 համարի մարզաշապիկով: