1 րոպեի ընթերցում
Սյունիքի մարզային փրկարարական վարչության ճգնաժամային կառավարման կենտրոնը փետրվարի 7-ին, ժամը 17:48-ին ահազանգ է ստացել, որ Կապան քաղաքի Սպանդարյան փողոցի շենքերից մեկին մոտակա սարալանջից տեղի է ունեցել քարաթափում․ անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ըստ աղբյուրի՝ պարզվել է, որ շենքին մոտակա սարալանջից տեղի է ունեցել քարաթափում՝ մոտ 3 խմ, ինչի հետևանքով վնասվել է VAZ մակնիշի ավտոմեքենայի դուռը և դիմացի հատվածը:
Փրկարարները սահմանազատել են տարածքը։