Ֆրանսիայի և ԱՄԷ նախագահները քննարկել են ռազմավարական հարաբերությունների ամրապնդման ուղիները

2 րոպեի ընթերցում

Արաբական  Միացյալ Էմիրությունների նախագահ Մուհամմադ բին Զայեդ ալ-Նահյանն աշխատանքային այցով մեկնել է Ֆրանսիա։ «Արմենպրես»-ի փոխանցմամբ՝ այս մասին հայտնում է էմիրաթական WAM լրատվական գործակալությունը։

Փարիզի Ելիսեյան պալատում Ֆրանսիայի նախագահ Էմանուել Մակրոնի հետ հանդիպման ժամանակ կողմերը քննարկել են երկու երկրների միջև պատմական և ռազմավարական հարաբերությունների տարբեր ուղիները և դրանց ընդլայնման հնարավորությունները, հատկապես՝ տնտեսական, ներդրումային և մշակութային և ընդհանուր հետաքրքրություն ներկայացնող այլ ոլորտներում:

Կողմերը նաև քննարկել են տարածաշրջանային և միջազգային վերջին զարգացումները և մտքեր փոխանակել դրանց շուրջ՝ ընդգծելով համատեղ աշխատելու անհրաժեշտությունը Մերձավոր Արևելքում և աշխարհում խաղաղությունն ու կայունությունը ամրապնդելու և գլոբալ առաջնահերթություն համարվող ընդհանուր մարտահրավերներին դիմակայելու նպատակով։

ԱՄԷ նախագահն ընդգծել է, որ ԱՄԷ-ի և Ֆրանսիայի միջև առկա է արդյունավետ համագործակցություն բազմաթիվ ոլորտներում, հատկապես՝ էներգետիկայի և կլիմային առնչվող ոլորտում, քանի որ երկու երկրներին միավորում է 2022 թվականին ստորագրված էներգետիկայի ոլորտում համապարփակ ռազմավարական գործընկերության համաձայնագիրը:

Նախագահները ներկա են գտնվել Արհեստական ​​բանականության ոլորտում ԱՄԷ-Ֆրանսիա համագործակցության շրջանակի ստորագրման արարողությանը։ Համաձայնագրի նպատակն է ներդրումներ կատարել Ֆրանսիայի 1 ԳՎտ հզորությամբ արհեստական ​​բանականության համալիրում, բացի այդ ստեղծել ռազմավարական գործընկերություն արհեստական բանականության ոլորտում և բացահայտել համագործակցության նոր հնարավորությունները:

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել