2 րոպեի ընթերցում
Ազգային ժողովը քննարկում է Բարձրագույն դատական խորհրդի անդամի ընտրության հարցը:
«Արմենպրես»-ի փոխանցմամբ՝ «Քաղաքացիական պայմանագիր» խմբակցությունը Բարձրագույն դատական խորհրդի անդամի պաշտոնում թեկնածու է առաջադրել Ալեքսանդր Սիրունյանին:
Թեկնածուին ԱԺ նիստում ներկայացրեց խմբակցության քարտուղար Արթուր Հովհաննիսյանը:
Ալեքսանդր Սիրունյանը եղել է իշխող «Քաղաքացիական պայմանագիր» կուսակցության անդամ, սակայն ԲԴԽ անդամի թեկնածու առաջադրվելուց հետո կուսակցությունից դուրս է եկել։
Սիրունյանը «Քաղաքացիական պայմանագիր» կուսակցության անդամ է, ուստի «Հայաստան» խմբակցության պատգամավոր Ագնեսա Խամոյանը նկատեց՝ օրենքի պահանջ է, որ ԲԴԽ անդամը պետք է օժտված լինի քաղաքական չեզոքությամբ: Պատգամավորը հետաքրքրվեց, թե «Քաղաքացիական պայմանագիր» կուսակցությունն ի՞նչ չափորոշիչներով է առաջնորդվել՝ Սիրունյանին թեկնածությունը ներկայացնելով:
Խամոյանը նաև նշեց Սիրունյանի՝ սոցիալական ցանցերում կատարած որոշ հրապարակումների մասին:
«Պարոն Սիրունյանն այս պահին ՔՊ կուսակցության անդամ է, և ընտրվելուց հետո պետք է առաջնորդվի քաղաքական անաչառության սկզբունքով»,–ասաց Արթուր Հովհաննիսյանը՝ հավելելով, որ նրա թեկնածությունն առաջադրել են՝ առաջնորդվելով նրա մասնագիտական կենսագրությամբ, մասնագիտական ունակություններով, մշտապես Հայաստանում արդարադատության համար պայքարելով:
Ինչ վերաբերում է Սիրունյանի տարբեր գնահատականներին՝ Հովհաննիսյանը հորդորեց դրանց վերաբերյալ հարցերն ուղղել Սիրունյանին: