Հայաստանը նախորդ տարվա ընթացքում շարունակել է ընդլայնել իր դիվանագիտական կապերը. ԱԳՆ
1 րոպեի ընթերցում
ԵՐԵՎԱՆ, 7 ՀՈՒՆՎԱՐԻ, ԱՐՄԵՆՊՐԵՍ։ Հայաստանը 2024 թվականի ընթացքում շարունակել է ընդլայնել իր դիվանագիտական կապերը և միջազգային ներկայության աշխարհագրությունը։
«Արմենպրես»-ի փոխանցմամբ՝ այս մասին նշված է Հայաստանի Հանրապետության ԱԳ նախարարության տարածած հաղորդագրության մեջ։
«Սեպտեմբերի 27-ին Նյու Յորքում ՀՀ ԱԳ նախարար Արարատ Միրզոյանը և Պաղեստինի Պետության վարչապետ Մուհամեդ Մուստաֆան ստորագրեցին «Հայաստանի Հանրապետության և Պաղեստինի Պետության միջև դիվանագիտական հարաբերությունների հաստատման մասին» համատեղ կոմյունիկե»,- նշված է ՀՀ ԱԳ նախարարության տարածած հաղորդագրությն մեջ:
Գերատեսչությունը նաև ընդգծել է ՀՀ դիվանագիտական ներկայացուցչությունների հիմնումը տարբեր երկրներում՝ մասնավորապես, Ուրուգվայում ռեզիդենտ դեսպանություն, Լյուքսեմբուրգում դիվանագիտական գրասենյակ, Սերբիայում դիվանագիտական գրասենյակը։
«Կայացվել են ՀՀ ռեզիդենտ դեսպանությունների բացման մասին որոշումներ. Կիպրոսում, Հունգարիայում, Երևանում բացվել է Կիպրոսի ռեզիդենտ դեսպանությունը»,- հիշեցնում են նախարարությունից: