Հայաստանի համայնքները հավաքագրել են 43.4 մլրդ դրամ սեփական եկամուտ, ինչը նախատեսվածից 2.2 մլրդ դրամով ավելի է
1 րոպեի ընթերցում
ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության համայնքները շարունակելով սեփական եկամուտներն ավելացնելու նախորդ տարիների միտումը՝ 2024 թվականին հավաքագրել են նախատեսվածից 2.2 մլրդ դրամով կամ 5.3%-ով ավելի գումար․ հավաքագրվել է 43.4 մլրդ դրամ։
«Արմենպրես»-ի հաղորդմամբ՝ այս մասին հայտնել է Տարածքային կառավարման և ենթակառուցվածքների նախարար Դավիթ Խուդաթյանը:
«Ընդ որում, 2023 թվականի փաստացի հավաքագրված 41.6 մլրդ դրամի դիմաց այն ավել է հավաքագրվել 1.8 մլրդ դրամ։ Աճը կազմել է 4.1%։
Համայնքների սեփական եկամուտների աճին նպաստել են նաև ՀՀ հարկային օրենսգրքով տեղական բյուջե վճարման ենթակա անշարժ գույքի հարկի հաշվարկման համար նախանշված կարգավորումները»,-գրել է նախարարը: