Ադրբեջանի ճնշման և տարածքային մտադրությունների պայմաններում Ֆրանսիան կանգնած է Հայաստանի կողքին. Էմանուել Մակրոն
1 րոպեի ընթերցում
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ։ Ֆրանսիայի նախագահ Էմանուել Մակրոնը, վերահաստատելով իր երկրի աջակցությունը Հայաստանին, հայտարարել է, որ Բաքվի ճնշման և տարածքային մտադրությունների պայմաններում Փարիզն ուս ուսի տված կանգնած է Երևանի կողքին։
«Արմենպրես»-ի հաղորդմամբ՝ այս մասին Ֆրանսիայի նախագահը հայտարարել է ՄԱԿ-ի Գլխավոր վեհաժողովի 79-րդ նստաշրջանի շրջանակներում ունեցած իր ելույթի ընթացքում։
«Վարչապետի հետ (խմբ․ ՀՀ վարչապետ Նիկոլ Փաշինյան) Ֆրանսիան ուս-ուսի տված կանգնած է Հայաստանի կողքին Ադրբեջանի ճնշման և տարածքային մտադրությունների պայմաններում։ Միջազգային հանրությունը պետք է լինի այնտեղ, որպեսզի ապահովի խաղաղ բանակցությունների հաջողությունը և միջազգայնորեն ճանաչված սահմանների պահպանումը», - ասել է Ֆրանսիայի նախագահ Էմանուել Մակրոնը։