Նախարարը 2025–ին Երևան–Լոս Անջելես և Երևան–Նյու Յորք ուղիղ չվերթների հաստատման ուղղությամբ արդյունքներ է ակնկալում
1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանն ակտիվ աշխատանքներ է տանում դեպի Նյու Յորք և Լոս Անջելես ուղիղ չվերթների հաստատման ուղղությամբ:
«Արմենպրես»-ի փոխանցմամբ՝ այս մասին ասաց Տարածքային կառավարման և ենթակառուցվածքների նախարար Գնել Սանոսյանը Համաշխարհային հայկական գագաթնաժողովի շրջանակում՝ անդրադառնալով ավիացիայի ոլորտին:
«Հիմա ակտիվ աշխատանք ենք տանում դեպի Նյու Յորք և դեպի Լոս Անջելես ուղիղ կապի հաստատման ուղղությամբ: Կարծում եմ՝ 2025–ին նաև այդ ուղղությամբ արդյունք կունենանք»,–ասաց նախարարը:
Նա հավելեց, որ այդ աշխատանքները պարբերաբար իրականացվում են տարբեր ուղղություններով: