1 րոպեի ընթերցում
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Լիտվան իր աջակցությունն է հայտնել Հայաստանի հետ Եվրամիության կապերի ամրապնդմանը։
«Արմենպրես»-ի հաղորդմամբ՝ Լիտվայի արտաքին գործերի նախարար Գաբրիելիուս Լանդսբերգիսը X-ի իր միկոբլոգում գրառում է կատարել՝ նշելով, որ Լիտվան վճռականորեն աջակցում է Հայաստանի հետ ԵՄ կապերին։
«Այսօր Բրյուսելում պայմանավորվել են սկսել վիզայի ազատականացման շուրջ երկխոսությունը, ինչպես նաև EPF (Խաղաղության եվրոպական հիմնադրամ) աջակցությունը Հայաստանին։ Լիտվան վճռականորեն աջակցում է Հայաստանի հետ ԵՄ կապերին և մենք վճռականորեն հավատարիմ ենք մնում տարածաշրջանի ժողովրդավարական և խաղաղ ապագային»,-նշել է նա։