Ապարանի 19 գյուղական բնակավայրերում իրականացվել են շուրջ 10 կիլոմետր ասֆալտապատման աշխատանքներ
1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Արագածոտնի մարզի Ապարան համայնքի 19 գյուղական բնակավայրերում իրականացվել են 9,78 կմ ասֆալտապատման աշխատանքներ։ «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է Հայաստանի վարչապետ Նիկոլ Փաշինյանը, ով աշխատանքային այցով Արագածոտնի մարզում է։
Ծրագրի արժեքը 772 մլն դրամ է, որից 386 միլիոնը Կառավարության ներդրումն է։
Մ-3 մայրուղու Ապարան-Լուսագյուղ 3 կմ հատվածում իրականացվում են հիմնանորոգման աշխատանքներ: Ծրագրի նպատակով Կառավարությունը հատկացրել է 892,5 մլն դրամ: