Բաքուն ու Երևանը պետական սահմանների հստակեցման հարցում հասել են որոշակի հաջողությունների. Իլհամ Ալիև
1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը հայտարարել է, որ Բաքուն ու Երևանը հասել են որոշակի հաջողությունների իրենց պետական սահմանների սահմանազատման հարցում՝ գործնականում համաձայնեցնելով 12,7 կմ երկարությամբ պետական սահման։
«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները՝ վկայակոչելով Ադրբեջանի նախագահի խոսքերը Եգիպտոսի նախագահ Աբդել Ֆաթահ ալ Սիսիի հետ համատեղ ճեպազրույցից։
Ալիևը նաև հավելել է, որ դրական արդյունք է համարում Ադրբեջանի Ղազախի շրջանի 4 գյուղի վերադարձը։