Հայաստանի ֆուտբոլի ընտրանին Երևանում հաղթեց Ղազախստանի թիմին

2 րոպեի ընթերցում

ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմն ընկերական խաղի շրջանակներում Վազգեն Սարգսյանի անվան Հանրապետական մարզադաշտում հյուրընկալեց Ղազախստանին:

«Արմենպրես»-ի հաղորդմամբ` հանդիպման մեկնարկային րոպեներին Հայաստանի հավաքականը իրար հաջորդող մի քանի գրոհներ ունեցավ, որոնցից մեկի ժամանակ (3-րդ րոպե) ինքնագոլի հեղինակ դարձավ Ղազախստանի ընտրանու ֆուտբոլիստ Ալեքսանդր Մարոչկինը: Խփած գնդակից հետո էլ Հայաստանի ընտրանին առավել շատ էր գործում գնդակով: Ղազախները հանդիպման միջնամասում սկսեցին հիմնականում հակագրոհել, սակայն գրոհների վերջնամասում պակասում էր դիպուկությունը: Թիմերն ընդմիջման գնացին Հայաստանի ընտրանու նվազագույն առավելությամբ:

Երկրորդ կեսի մեկնարկից րոպեներ անց ճիշտ ժամանակին, ճիշտ տեղում հայտնվելով` Վահան Բիչախչյանը խփեց Հայաստանի ընտրանու երկրորդ գոլը: Սա Բիչախչյանի 4-րդ գնդակն էր ազգային թիմի կազմում: Բաց թողած երկրորդ գնդակից հետո Ղազախստանը գրոհային իրավիճակներ էր ստեղծում, սակայն Հայաստանի ընտրանու խաղն առավել արագ էր ու գրոհներով լի: Հանդիպման վերջնամասում Ղազախաստանն 11 մետրանոց հարվածի իրավունք ստացավ, որն անվրեպ իրացրեց Վարուժան Իսլամխանը:

Հայաստան-Ղազախստան` 2:1:

Հայաստանի ֆուտբոլի ազգային թիմը հաջորդ հանդիպումը կանցկացնի աշնանը` Ազգերի լիգայի շրջանակներում: Սեպտեմբերի 7-ին Պետրակովի գլխավորած թիմը Երևանում կընդունի Լատվիային:

Հայերեն العربية Türkçe

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները