1 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Անցյալ տարվա հոկտեմբերի 7-ից ի վեր իսրայելական հարվածների հետևանքով Գազայի հատվածում զոհերի թիվը հասել է 35 հազար 456-ի, իսկ վիրավորներինը՝ 79 հազար 476-ի։
«Արմենպրես»-ի հաղորդմամբ՝ այս մասին «Տելեգրամ»-ի ալիքում տարածած հաղորդագրության մեջ տեղեկացրել է Գազայի առողջապահական գերատեսչությունը:
Աղբյուրի տվյալներով՝ վերջին 24 ժամվա ընթացքում զոհվել է 70 մարդ, իսկ 110-ը վիրավորվել:
«Մի շարք տուժածներ դեռևս գտնվում են փլատակների տակ և ճանապարհներին, իսկ շտապօգնության և քաղաքացիական պաշտպանության խմբերը չեն կարողանում հասնել նրանց»,- նշված է հաղորդագրության մեջ: