Միջազգային

Մոսկվայից ավիատոմսերն էժանացել են կտրուկ թանկացումից հետո. գալիք շաբաթ Երևան ուղիղ չվերթն արժե 29,3 հազար ռուբլուց սկսած

2 րոպեի ընթերցում

Մոսկվայից ավիատոմսերն էժանացել են կտրուկ թանկացումից հետո. գալիք շաբաթ Երևան ուղիղ չվերթն արժե 29,3 հազար ռուբլուց սկսած

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Արտերկիր ավիատոմսերի գները ճշգրտվել են հունիսի 24-ի աճից հետո։ Այս մասին, ինչպես տեղեկացնում է «Արմենպրես»-ը՝ վկայակոչելով ՏԱՍՍ-ը, հունիսի 25-ին հայտնել է Ռուսաստանի տուրօպերատորների ասոցիացիան:

«Արտերկիր տոմսերի արժեքը նորմալացել է նախօրեին գների թռիչքից հետո։ Կան նաև ծայրահեղ ցածր սակագներ այսօրվա և վաղվա համար։ Շատ թանկ և անհարմար է թռչել Թբիլիսի և Բելգրադ։ Մնացած գները սովորական են»,- ասվում է հաղորդագրության մեջ։

Այսպես, կիրակի Մոսկվայից Դուբայ Emirates-ի չվերթի ուղեբեռով թռիչքի արժեքը կազմում է 48 հազար ռուբլի: Երկուշաբթի «Պոբեդա» ավիաընկերության ուղիղ չվերթի արժեքը (առանց ուղեբեռի) կազմում է 20,5 հազար ռուբլի:

«Աերոֆլոտ»-ի երեկոյան չվերթը Ստամբուլ առանց ուղեբեռի հունիսի 25-ին արժե 25 հազար ռուբլի։ Ընդ որում, հաջորդ շաբաթ «Պոբեդա»-ով կարելի է թռչել 13,5 հազար ռուբլով, նշել են ասոցիացիայում:

Կիրակի օրը Սոչիում տեղափոխությամբ Երևան չվերթի արժեքը (առանց ուղեբեռի) կազմում է 25,6 հազար ռուբլի: Հայաստանի մայրաքաղաք ուղիղ չվերթների տոմսերի գները հաջորդ շաբաթ սկսվում են 29,3 հազար ռուբլուց: Թբիլիսիում տեղափոխությամբ այսօրվա չվերթի ամենաէժան տոմսն արժե 41,4 հազար ռուբլի, իսկ հունիսի 26-ի ուղիղ չվերթը՝ 108,3 հազար ռուբլի։ Հաջորդ շաբաթ Բելգրադ կարելի է թռչել 65 հազար ռուբլուց սկսած՝ տեղափոխմամբ։

Միաժամանակ, «Աերոֆլոտ»-ի այսօրվա երեկոյան չվերթի տոմսի արժեքը Մոսկվայից Աստանա կազմում է 7,5 հազար ռուբլի:

Լուսանկարը՝ «ՌԻԱ Նովոստի»-ի

Տեղադրություն

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում