1 րոպեի ընթերցում
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Կոտայքի մարզային ճգնաժամային կառավարման կենտրոնը հունվարի 19-ին, ժամը 15։27-ին ահազանգ է ստացել, որ Հրազդան քաղաքի Մաքրավան թաղամասին հարակից սարում այրվում են ծառեր:
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ և օպերատիվ խումբը։
Հրդեհը մեկուսացվել է ժամը 16:25-ին, մարվել՝ 18։00-ին: Այվել է մոտ 2 հա բուսածածկույթ և մասամբ ջերմահարվել է 10 եղևնի:
Ըստ աղբյուրի՝ ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբն իրականացրել է հերթապահություն:
Հրդեհաշիջման աշխատանքներին մասնակցել են անտառտնտեսության 7 աշխատակից: