1 րոպեի ընթերցում
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: ԱՄՆ պետքարտուղար Էնթոնի Բլինքենը վարակվել է կորոնավիրուսով:
«Արմենպրես»-ի փոխանցմամբ՝ այս մասին հայտնել է ԱՄՆ պետքարտուղարությունը:
Հաղորդագրության մեջ նշվում է, որ Բլինքենն ամբողջությամբ պատվաստված է կորոնավիրուսի դեմ, ստացել է նաև խթանիչ դեղաչափը և ունի թեթև ախտանշաններ:
Նշվում է նաև, որ Բլինքենը վերջին օրերին ԱՄՆ նախագահ Բայդենի հետ չի հանդիպել, հետևաբար Բայդենը չի համարվում կոնտակտավոր անձ:
Բլինքենը կմեկուսանա տանը և աշխատանքը կշարունակի հեռավար կարգով:
ԱՄՆ պետքարտուղար Էնթոնի Բլինքենը մայիսի 3-ին Վաշինգտոնում հանդիպել էր ՀՀ արտաքին գործերի նախարար Արարատ Միրզոյանի հետ: Անցած օրերին Բլինքենը հանդիպումներ է ունեցել նաև Շվեդիայի արտաքին գործերի նախարար Ան Լինդեի, Ճապոնիայի ազգային անվտանգության խորհրդական Ակիբա Տակեոյի հետ: