Ադրբեջանը կրակ է բացել Իրանի խաղաղ բնակիչների տների ուղղությամբ
1 րոպեի ընթերցում
![Ադրբեջանը կրակ է բացել Իրանի խաղաղ բնակիչների տների ուղղությամբ](http://armenpress.am/resized/480/static/news/b/2020/10/1032398.jpg)
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանը կրակ է բացել Իրանի սահմանամերձ բնակավայրերի տների ուղղությամբ:
«Արմենպրես»-ի փոխանցմամբ՝ «Տելեգրամ»-ի իրանական Azariha ալիքը տեսանյութ է հրապարակել՝ ցույց տալով ադրբեջանական զորքերի գործողությունների արդյունքում ավերված տները:
«Իրանի սահմանամերձ բնակավայրերի տներն ավերվել են՝ Բաքվի գործողությունների, իր ուժերը Իրանի սահմանին ամրակայելու պատճառով: Իրենց դիրքերը հյուսիս-հարավ ուղղությամբ տեղակայելու փոխարեն, Բաքվի ուժերը տեղակայվել են արևելք-արևմուտք ուղղությամբ»,-գրել է իրանական ալիքն ու հիշեցրել, որ Ադրբեջանը նաև անօդաչու թռչող սարքեր է ուղարկում Իրան, բացի այդ թաքֆիր – ահաբեկիչների է տեղակայել իրանական սահմանին: