2 րոպեի ընթերցում
ՄԻՆՍԿ, 28 ՆՈՅԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն այն կարծիքին է, որ օբյեկտիվ հանգամանքները կստիպեն զարգացնել ԱՊՀ-ն, չնայած այն բանին, որ «այսօր ԱՊՀ-ում հիմնախնդիրներն ավելի շատ են, քան լուծված հարցերըե: «ԱՊՀ-ն հսկայական շուկա է, այնտեղ ապրում է գրեթե 300 մլն մարդ: Տարածքով, էներգառեսուրսներով, կապիտալով դա պարզապես մոլորակի հսկայական կտոր է, որը լավ իմաստով կարող է մրցակցել աշխարհի ցանկացած պետության, Եվրոպայի, ԱՄՆ-ի ու Չինաստանի հետե,-հայտարարել է նա այսօր չինացի լրագրողներին տված հարցազրույցում: Ըստ Լուկաշենկոյի, չափազանց կարեւոր է, որ «ԱՊՀ-ի շրջանակներում հանդիպում են նախագահները, կառավարությունների ղեկավարները ու քննարկում խնդրահարույց հարցերըե: «Բելառուսն այդ առումով շատ դինամիկ է համարում Համագործակցության Շանհայի կազմակերպությունըե,-ասել է նա: Նշելով, որ ՀՇԿ-ի վերջին քայլերը «աշխարհի շատ ժողովուրդների թույլ են տալիս ակնկալել, որ կարող է ծագել ուժի մեկ այլ կենտրոն, եւ աշխարհը կդադարի միաբեւեռ լինելուցե: Բելառուսի նախագահը գտնում է, որ «ամերիկացիները երբեք չեն համաձայնվի, որ մենք եղբայրական դաշնակցային հարաբերություններ ունենանք ԱՊՀ-ի շրջանակներում, քանի որ այս աշխարհի հզորները ԱՊՀ-ի տարանջատվածություն են ցանկանումե: «Մինչդեռ սկզբնապես ԱՊՀ-ն ենթադրում էր ոչ միայն միասնական քաղաքականության անցկացում, այլեւ անցում միասնական արժույթի, բայց մի շարք պատճառներով պետությունների ճանապարհները բաժանվեցինե,-նշել է Լուկաշենկոն: