1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Կատալոնական «Բարսելոնայի» ղեկավարությունն աջակցություն է հայտնել ակումբի գլխավոր մարզչին:
«Արմենպրես»-ի հաղորդմամբ` այս մասին գրում է RAC-ը: Ըստ պարբերականի, ակումբի նախագահ Խոսեպ Մարիա Բարտոմեուն և մարզական տնօրեն Էրիկ Աբիդալն հյուրընկալվել են Սետիենին և վստահեցրել, որ ակումբը չի պատրաստվում հրաժարվել նրա ծառայություններից:
Նախօրեին լուրեր կային, որ Կատալոնական «Բարսելոնայի» գլխավոր մարզիչ Կիկե Սետյենը մրցաշրջանի ավարտին կհեռանա ակումբից: Ակումբը կխզի պայմանագիրը Սետյենի հետ և դրա պատճառը ընթացիկ մրցաշրջանում «Բարսելոնայի» գրանցած արդյունքներն են: Սետյենը կշարունակի աշխատանքը, եթե թիմը կարողանա ինչոր տիտղոսի տիրանալ: Խոսվում է նաև այն մասին, որ կատալոնական ակումբի մի քանի ֆուտբոլիստներ դժգոհություն են հայտնել մարզչի հետ աշխատանքից:
Պատրաստեց Վարվառա Հայրապետյանը