1 րոպեի ընթերցում
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: ՀՖՖ տեխնիկական կենտրոն/ֆուտբոլի ակադեմիայում կայացավ Հայաստանի կանանց ֆուտբոլի առաջնության Ա խմբի «Ալաշկերտ-աղջիկներ» - «Շիրակ-Հոմենմեն» եզրափակիչ հանդիպումը:
«Արմենպրես»-ի հաղորդմամբ` այս մասին հայտնում է ՀՖՖ-ն: Հաղթելով 4:0 հաշվով` «Ալաշկերտ-աղջիկները» վաղաժամ հռչակվեց Հայաստանի կանանց ֆուտբոլի առաջնության Ա խմբի չեմպիոն: Խաղից հետո կայացած մրցանակաբաշխության ժամանակ մասնակից թիմերին շնորհվեցին մեդալներ, «Ալաշկերտ-աղջիկներ» ակումբին հանձնվեց չեմպիոնական գավաթը, իսկ «Լավագույն ռմբարկու» մրցանակին արժանացավ «Ալաշկերտ-աղջիկներ» ակումբի կիսապաշտպան Անի Ղուկասյանը:
Պատրաստեց Վարվառա Հայրապետյանը