1 րոպեի ընթերցում
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: «Ուրարտու» ֆուտբոլային ակումբի գլխավոր մարզիչ Ալեքսանդր Գրիգորյանը հանդիպում-սեմինար անցկացրեց «Ուրարտուի» ակադեմիայի մարզչական անձնակազմի հետ։
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Սեմինարն անցկացվեց երկու օր, իսկ մասնակիցների քանակն անվտանգության նկատառումներից ելնելով չէր գերազանցումը 15-ը։
Սեմինարն անցկացվում էր հարցուպատասխանի ձևաչափով։ Ակադեմիայի մարզիչներն իրենց հուզող հարցերն առաջ քաշեցին ու քննարկեցին գլխավոր մարզչի հետ։
53-ամյա մասնագետն իր կարիերայի ընթացքում աշխատել է «Տամբովում», ԲԿՄԱ-ում, «Անժիում», «Խաբարովսկում», «Տոսնոյում», «Պախտակորում», «Մաշուկում», «Լուչ-Էներգիայում», «Խիմկիում» ու «Նիժնի Նովգորոդում», ինչպես նաև կանանց «Էներգիա» և «Լադա» ակումբներում:
Պատրաստեց Վարվառա Հայրապետյանը