Բիչախչյանը մասնակցել է ակումբի հաղթական խաղին 

ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի երիտասարդական թիմի անդամ Վահան Բիչախչյանը մասնակցել է ակումբի հերթական խաղին:

«Արմենպրես»-ի հաղորդմամբ` Սլովակիայի ֆուտբոլի առաջնության 23-րդ տուրում «Ժիլինա»-ն տանը հյուրընկալել էր «Սպարտա Տոնավա»-ին և առավելության հասել 2:1 հաշվով:

Հայաստանի ֆուտբոլի երիտասարդական հավաքականից Վահան Բիչախչյանը «Ժիլինա»-ի մեկնարկային կազմում չի եղել և փոխարինման է դուրս եկել միայն 77-րդ րոպեին: Նա ընթացիկ առաջնությունում մասնակցել է 5 հանդիպման:

Այս հաղթանակից հետո «Ժիլինա»-ն մրցաշարային աղյուսակում երկրորդն է:

Պատրաստեց Վարվառա Հայրապետյանը