1 րոպեի ընթերցում
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Գերմանական «Հոֆենհայմ» ֆուտբոլային ակումբի գլխավոր մարզիչ Ալֆրեդ Սխրոյդերը հեռացվել է զբաղեցրած պաշտոնից:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Ակումբը խզել է պայմանագիրը մարզչի հետ` հեռացումը պայմանավորելով այն բանով, որ մարզիչը և ակումբը ֆուտբոլային տարբեր փիլիսոփայություն ունեն:
Սխրոյդերի պայմանագիրը «Հոֆենհայմ»-ի հետ նախատեսված էր մինչև 2022 թվականը: Բունդեսլիգայի ընթացիկ մրցաշրջանի ավարտին մնացել է 4 տուր, իսկ թիմը մրցաշարային աղյուսակում 7-րդն է:
Պատրաստեց Վարվառա Հայրապետյանը