1 րոպեի ընթերցում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ուկրաինայի ֆուտբոլի ասոցիացիան երկարաձգել է պայմանագիրը ազգային թիմի ներկայիս գլխավոր մարզիչ Անդրեյ Շևչենկոյի հետ:
«Արմենպրես»-ի հաղորդմամբ` այս մասին հայտնում է ասոցացիայի մամուլի ծառայությունը: Շևչենկոյի գործող պայմանագիրը նախատեսված էր մինչև ընթացիկ տարվա հուլիսը: Նոր պայմանագրով նա մարզչական աշխատանքը կշարունակի մինչև 2022 թվականի դեկտեմբեր:
Անդրեյ Շևչենկոն Ուկրաինայի ֆուտբոլի ազգային թիմը գլխավորեց 2016 թվականին: Նրա գլխավորությամբ թիմն անցկացրել է 33 հանդիպում, որոնցից 19-ում հաղթել է, 9 խաղ ավարտել ոչ-ոքի, իսկ 5-ում պարտություն կրել:
Պատրաստեց Վարվառա Հայրապետյանը