1 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Ռուսաստանի ֆուտբոլի առաջնությունը դադարից հետո չի վերսկսվի:
«Արմենպրես»-ի հաղորդմամբ` այս մասին գրում է Sport-Express-ը: Ըստ պարբերականի, առաջնությունը, որը դադարեցվել էր կորոնավիրուսի պատճառով, չի շարունակվի, և երկրի չեմպիոն կհռչակվի «Զենիթ»-ը, որն այժմ մրցաշարային աղյուսակի առաջատարն է: Վերջնական և պաշտոնական որոշում կկայացվի մայիսի 15-ին` ռուսական ֆուտբոլային միության նիստում:
Ավելի վաղ հայտնի էր դարձել,որ Ռուսաստանի ֆուտբոլի առաջնության մյուս հանդիպումները կարող են անցկացվել առանց երկրպագուների:
Այժմ ռուսական Պրեմիեր լիգան դադարեցված է կորոնավիրուսի պանդեմիայի պատճառով:
Պատրաստեց Վարվառա Հայրապետյանը