1 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Թուրինին «Յուվենտուս» ֆուտբոլային ակումբի կիսապաշտպան Պաուլո Դիբալան ապաքինվել է կորոնավիրուսից:
«Արմենպրես»-ի հաղորդմամբ` այս մասին գրում է ակումբի մամուլի ծառայությունը: Արգենտինացին, ով «Յուվենտուս»-ի կազմում առաջին ֆուտբոլիստներից էր, որը վարակվել էր, այժմ կրկնական թեստ է հանձնել, որոնց պատասխանները բացասական են եղել: Ֆուտբոլիստը և իր ընկերուհին վարակվել էին դեռևս մարտի 21-ին:
Ընթացիկ մրցաշրջանում Դիբալան «Յուվենտուս»-ի կազմում մասնակցել է 34 խաղի և խփել է 13 գնդակ:
Կորոնավիրուսի պանդեմիայի պատճառով Իտալիայի առաջնությունը դադարեցվել է մարտի 13-ին:Վերսկսվելու դեպքում այն կանցկացվի առանց հանդիսականների:
Պատրաստեց Վարվառա Հայրապետյանը