1 րոպեի ընթերցում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Ֆուտբոլում մրցավարների տեսաօգնության համակարգը` VAR-ը, հնարավոր է այս տարի եվրագավաթների ընթացքում չկիրառվի:
«Արմենպրես»-ի հաղորդմամբ` այս մասին գրում է Mundo Deportivo-ն: ՈՒԵՖԱ-ն դեռևս պետք է հաստատ այս լուրը, սակայն նման որոշումը կարող է կապված լինել կորոնավիրուսի պանդեմիայի հետ, քանի որ VAR համակարգի մրցավարների համար անհնարին կլինի պահպանել սոցիալական հեռավորությունը:
Ավելի վաղ հայտնի էր դարձել, որ ՈՒԵՖԱ-ն մտադիր է Չեմպիոնների լիգայի կիսաեզրափակիչներն անցկացնել օգոստոսի սկզբին, իսկ եզրափակիչը` ամսվա ավարտին` 29-ին: Եվրոպայի լիգայի եզրափակիչ հանդիպումը կարող է անցկացվել օգոստոսի 26-ին: ՈՒԵՖԱ-ն լիահույս է` հունիս-հուլիս ամիսներին առանց երկրպագուների ավարտին կհասցվեն ազգային առաջնություննները, և ակումբները կկարողանան մասնակցել Չեմպիոնների լիգային և Եվրոպայի լիգային:
Կորոնավիրուսի պանդեմիայի պատճառով մարտի 13-ից սկսած դադարեցվել են եվրոպական գրեթե բոլոր առաջնությունները: Միայն Բելառուսի առաջնությունն է ընթացքի մեջ:
Պատրաստեց Վարվառա Հայրապետյանը