1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և գերմանական «Հոֆենհայմ»-ի կիսապաշտպան Սարգիս Ադամյանը պատասխանել է երկրպագուների հարցերին:
«Արմենպրես»-ի հաղորդմամբ` «Հոֆենհայմ» ֆուտբոլային ակումբի Ինստգրամի էջում` պատասխանելով երկրպագուների հարցերին, Ադամյանը շեշտել է, որ արդեն մարզվում է ընդհանուր թիմի հետ և հույս է հայտնել, որ մայիսին պատրաստ կլինի վերադառնալու խաղադաշտ:
Անդրադառնալով հարցին, թե թիմակիցներից ում հետ է առավել հաջող ստացվում համագործակցությունը, հայ ֆուտբոլիստը շեշտել է Կրամարիչի, Բիչակչիչի, Ստեֆիլիդիսի և Նորդվեյթի անունները:
Պարզաբանելով, թե ինչու է խաղահամար ընտրել 23-ը Ադամյանն ասել է, որ ծնվել է մայիսի 23-ին և կարծում է, որ թիվը նրան հաջողություն է բերում:
Ադամյանի մոտ փետրվարի25-ին վիրահատել էին աջ կոճը:Նա վերջին շրջանում բաց էր թողնում«Հոֆենհայմ»-ի հանդիպումները:Ֆուտբոլիստը մինչ այս մասնակցել է16խաղի և դարձել է6գոլի հեղինակ:
Պատրաստեց Վարվառա Հայրապետյանը