1 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Թուրինի «Յուվենտուս» ֆուտբոլային ակումբի ևս երկու ֆուտբոլիստ ապաքինվել է կորոնավիրուսից:
«Արմենպրես»-ի հաղորդմամբ` այս մասին գրում է ակումբի մամուլի ծառայությունը: «Յուվենտուս»-ից Բլեզ Մատյուիդին ու Դանիելե Ռուգանին կորոնավիրուսի կրկնակի թեստ են հանձնել, որոնք երկուսն էլ բացասական են եղել և ֆուտբոլիստն արդեն առողջ են:
Ապրիլի 15-ի տվյալներով աշխարհում նոր տիպի կորոնավիրուսային վարակով՝ COVID-19-ով վարակվածների թիվը հասել է 2 միլիոն 017 հազար 810 մարդ: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 128 հազարը: Ապաքինվել է 492 հազար 115 մարդ:
Պատրաստեց Վարվառա Հայրապետյանը