«Բարսելոնա»-ն և «Ռեալ»-ը 18 միլիոն եվրո են կորցրել International Champions Cup-ի չեղարկման պատճառով
1 րոպեի ընթերցում
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Իսպանական երկու գրանդ ակումբներ մի քանի տասնյակ միլիոն եվրո կորուստ են ունեցել International Champions Cup 2020-ի չեղարկման պատճառով:
«Արմենպրես»-ի հաղորդմամբ` այս մասին գրում է Marca-ն: Կատալոնական «Բարսելոնա»-ն և Մադրիդի «Ռեալ»-ը International Champions Cup 2020 -ի չկայացման պատճառով կորցրել են 18 միլիոն եվրո:
International Champions Cup 2020-ի չեղարկման պատճառը կորոնավիրուսի պանդեմիան է: Այն սովորաբար անցկացվում է ասիական երկրներից մեկում կամ էլ ԱՄՆ-ում, որին մասնակցում են աշխարհահռչակ ակումբներ:
Պատրաստեց Վարվառա Հայրապետյանը