Խամես Ռոդրիգեսը կհեռանա «Ռեալ»-ից 

ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Մադրիդի «Ռեալ»-ի կոլումբիացի հարձակվող Խամես Ռոդրիգեսն ամռանը կհեռանա «արքայական ակումբ»-ից:

«Արմենպրես»-ի հաղորդմամբ` այս մասին գրում է Sport-ը:

«Ռեալ»-ի գլխավոր մարզիչ Զինեդին Զիդանը թիմի կազմում չի տեսնում Ռոդրիգեսին, և ակումբը մտադիր է վաճառել կոլումբիացի ֆուտբոլիստի տրանսֆերը: Ըստ ամենայնի՝ հարձակվող կարող է կարիերան շարունակել Անգլիայի առաջնությունում:

Ռոդրիգեսը «Ռեալ» տեղափոխվեց 2014 թվականին, սակայն 2017-19 թվականներին վարձավճարով հանդես էր գալիս գերմանական «Բավարիա»-ում: