Նոյերը կարող է կարիերան շարունակել Պրեմիեր լիգայում 

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Գերմանիայի ազգային թիմի և Մյունխենի «Բավարիա»-ի դարպասապահ Մանուել Նոյերը կարող է կարիերան շարունակել Անգլիայում:

«Արմենպրես»-ի հաղորդմամբ` այս մասին գրում է գերմանական Bild-ը: Նոյերի ծառայություններով հետաքրքրված է Լոնդոնի «Չելսի»-ին: 33-ամյա դարպասապահը չի կարողանում նոր պայմանագրի հարցում ընդհանուր հայտարարի գալ «Բավարիա»-ի հետ:

Մանուել Նոյերն աշխարհի չեմպիոն է դարձել Գերմանիայի հավաքականի կազմում: «Բավարիա» է տեղափոխվել 2011 թվականին «Շալկե»-ից: Ընդհանուր առմամբ մյունխենյան ակումբի կազմում Նոյերը մասնակցել է 241 խաղի: