1 րոպեի ընթերցում
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային թիմ հրավիրված Դավիդ Յուրչենկոն վնասվածք է ստացել:
«Արմենպրես»-ի հաղորդմամբ` այս մասին գրում են ղազախական ԶԼՄ-ները: Կարագանդայի «Շախտյոր»-ի դարպասապահի վնասվածքի մասին այլ մանրամասներ հայտնի չէ: Նա դեռևս պետք է բուժզննում անցնի: Վնասվածքի պատճառով նա բաց է թողել ակումբի հերթական հանդիպումը:
Յուրչենկոն արդեն մարտին պետք է միանար Հայաստանի ազգային հավաքականին՝ պատրաստվելու Ուզբեկստանի և Ղազախստանի հավաքականների հետ ընկերական հանդիպումներին: