Նարե, Մարիա, Դավիթ, Նարեկ. Հայաստանում նորածիններին ամենաշատ տրվող անունները
12:20, 1 Օգոստոս 2018
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հայաստանում 2018 թվականի առաջին կիսամյակում ծնվել է 16 հազար 189 երեխա, որից 7 հազար 648-ը՝ աղջիկ, 8 հազար 541 տղա: «Արմենպրես»-ի հաղորդմամբ, այս մասին տեղեկացնում է ՀՀ ազգային վիճակագրական ծառայությունը:
Նշված ժամանակահատվածում նորածին աղջիկներին ամենից շատ տրված անուններն են. Նարե, Մարիա, Մարի, Մանե, Էլեն, Անահիտ: Տասնյակում են Մարիամը, Անգելինան, Եվան, Անին:
Նորածին տղաների դեպքում ամենաշատ տրվող անունները հետևյալներն են. Դավիթ, Նարեկ, Մարկ, Տիգրան, Ալեքս, Հայկ: Տասնյակը եզրափակում են Արթուրը, Գոռը, Արենը, Արամը:
Բաժանորդագրվեք մեր ալիքին Telegram-ում