Հուլիսի 25 – 26-ը Մինսկում՝ ԱՊՀ-ի գործադիր կոմիտեում, տեղի Է ունենում հանցավոր եկամուտների օրինականացման (լվացման), ահաբեկչության ֆինանսավորման եւ զանգվածային ոչնչացման զենքի տարածման ֆինանսավորման հակազդման ԱՊՀ պետությունների պայմանագիրի նախագծի համաձայնեցման փորձագիտական խմբի նիստը:

«Լուրջ քայլեր են արվել (փաստաթղթի այս նախագծում 2007 թվականի նախորդ պայմանագրի համեմատությամբ - խմբ.) ահաբեկչության դեմ պայքարի գծով միջազգային համագործակցության շրջանակներում: Մենք նախատեսել ենք, որ պետությունները կարող են ճանաչել ահաբեկիչների ցուցակները, որպեսզի ԱՊՀ-ի տարածքում մենք կարողանանք միավորել ջանքերն այդ տեսակի հանցագործությունների դեմ պայքարի նպատակով, այսինքն՝ կլինեն միացյալ ցուցակներ»,- լրագրողներին ասել Է Ղրղզստանի ֆինանսական հետախուզության ծառայության ներկայացուցիչը:

Նա նշել Է, որ ցուցակների ճանաչումը կիրականացվի համապատասխան երկկողմ եւ բազմակողմ համաձայնագրերի կնքման միջոցով, եւ բերել Է Ղրղզստանի եւ Ռուսաստանի օրինակը, որոնք արդեն փոխանակում են նման տեղեկատվությունը: «Եթե փորձագիտական նիստը հավանություն տա պայմանագրի նախագծին, ապա պլանավորվում Է նոյեմբերին դրա ստորագրումը Կառավարությունների ղեկավարների խորհրդի շրջանակներում»,- ասել Է Կենենբաեւը, հաղորդել Է ՌԻԱ Նովոստին: