ԵՐԵՎԱՆ, 11  ԱՊՐԻԼԻ, ԱՐՄԵՆՊՐԵՍ։ Վրաստանի արդարադատության նախարար Ռատի Բրեգաձեն արդյունավետ է գնահատում հայ-վրացական իրավական համագործակցությունը։

«Արմենպրես»-ի  թղթակցի հաղորդմամբ՝ այս մասին Ռատի Բրեգաձեն ասաց  ՀՀ արդարադատության նախարար Գրիգոր Մինասյանի հետ համատեղ ասուլիսին։

«Ես կասեմ հետևյալը՝ մեզ համար սա բարիդրացիականության հիմքով, ինտենսիվ ելքի և փորձի վրա կենտրոնացած, գիտելիքի փոխանակման հարաբերություն է, որը շատ արդյունավետ է։ Այս հարաբերություններում գերկարևոր է անձնական ընկերությունը, և ես վստահ եմ, որ նման ցանկացած նախագիծ հաջողակ է լինելու ու օգուտ է բերելու մեր ժողովուրդներին, երկրներին»,-նշեց Վրաստանի արդարադատության նախարարը։

Նաթիա Նացվլիշվիլի, Ռատի Բրեգաձե, Գրիգոր Մինասյան, Կարեն Անդրեասյան, Սպիրիդոն Ֆլոգաիտիա Գրիգոր Մինասյան Ռատի Բրեգաձե, Գրիգոր Մինասյան Ռատի Բրեգաձե, Գրիգոր Մինասյան Ռատի Բրեգաձե Սպիրիդոն Ֆլոգաիտիա Ռատի Բրեգաձե, Գրիգոր Մինասյան Ռատի Բրեգաձե, Գրիգոր Մինասյան Ռատի Բրեգաձե, Գրիգոր Մինասյան, Կարեն Անդրեասյան, Սպիրիդոն Ֆլոգաիտիա Նաթիա Նացվլիշվիլի, Ռատի Բրեգաձե, Գրիգոր Մինասյան, Կարեն Անդրեասյան, Սպիրիդոն Ֆլոգաիտիա Նաթիա Նացվլիշվիլի Ռատի Բրեգաձե, Գրիգոր Մինասյան Ռատի Բրեգաձե Նաթիա Նացվլիշվիլի, Ռատի Բրեգաձե, Գրիգոր Մինասյան, Կարեն Անդրեասյան Գրիգոր Մինասյան, Ռատի Բրեգաձե Նաթիա Նացվլիշվիլի, Ռատի Բրեգաձե, Գրիգոր Մինասյան, Կարեն Անդրեասյան, Սպիրիդոն Ֆլոգաիտիա

Լուսանկարները՝ Հայկ Բադալյանի

Անդրադառնալով Երևանում մեկնարկած հայ-վրացական 5-րդ իրավական ֆորումին, Բրեգաձեն համոզմունք հայտնեց, որ այն հաջողության պատմություն և արդեն հաստատված ավանդույթ է։

Նրա խոսքով՝ ֆորումին մասնակցում է Հայաստանի և Վրաստանի տարբեր իրավական գերատեսչություններ ընդգրկող իրավաբանների բավականին մեծ խումբ, որը նոր հաջողությունների արձանագրմամբ կնպաստի երկու երկրների հարաբերություններին։

«Ցանկացած պետությունների հարաբերություններում շատ կարևոր է հաստատուն իրավական ավանդույթ ունենալը։ Ես վստահ եմ, որ նմանատիպ ֆորումների շնորհիվ արդարադատության նախարարությունների և ընդհանուր առմամբ արդարադատության ոլորտում համագործակցության հիմքն էլ ավելի կամրապնդվի և մեր մեջ առկա ռազմավարական հարաբերություններն ավելի բարձր մակարդակի կհասնեն»,-ասաց Բերգաձեն։