ՌԴ-ում ձերբակալվել է ՊՆ վարչության պետպատվերի վարչության ղեկավարը
1 րոպեի ընթերցում
![ՌԴ-ում ձերբակալվել է ՊՆ վարչության պետպատվերի վարչության ղեկավարը](http://armenpress.am/resized/480/static/news/b/2024/05/1137818.jpg)
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնությունում ձերբակալվել է երկրի պաշտպանության նախարարության պետական պատվերի ապահովման վարչության պետ Վլադիմիր Վերտելեցկին։
«Արմենպրես»-ի փոխանցմամբ՝ այս մասին տեղեկացնում է ՌԴ քննչական կոմիտեն։
«ՌԴ ՊՆ պետական պատվերների ապահովման վարչության պետ Վլադիմիր Վերտելեցկիին մեղադրանք է առաջադրվել պետական պաշտպանության հրամանների կատարման ժամանակ պաշտոնեական լիազորությունները չարաշահելու համար»,- ասել է ՌԴ քննչական կոմիտեի պաշտոնական ներկայացուցիչ Սվետլանա Պետրենկոն։
Վերջինս հավելել է, որ Վլադիմիր Վերտելեցկիի նկատմամբ որպես խափանման միջոց է ընտրվել կալանավորումը։