398.88
Իսրայելի բանակը հաստատել է «Հեզբոլահ»-ի հրամանատարներից մեկի սպանությունը
1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Իսրայելի զինվորականները Լիբանանի հարավում սպանել են շիական «Հեզբոլահ» կազմակերպության զինված թևի հրամանատարներից մեկին։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտնում է բանակի մամուլի ծառայությունը:
Ծառայության տեղեկություններով՝ իսրայելական օդուժի ավիահարվածից Սալաա գյուղի տարածքում սպանվել է Մուհամմեդ Ահմեդ Այուբը։ Ըստ իսրայելցի զինվորականների՝ նա զբաղեցրել է էլիտար «Նասր» կազմավորման հրթիռային ստորաբաժանման առանցքային դիրքերից մեկը։
«Վերջին մի քանի ամիսների ընթացքում Այուբը ներգրավված է եղել Իսրայելի քաղաքացիների և համայնքների դեմ ահաբեկչական հարձակումների կազմակերպման մեջ: Նրա սպանությունը Իսրայելի պաշտպանության բանակի և պաշտպանության ուժերի ջանքերի մի մասն է: Իսրայելի անվտանգության ծառայությունները կանխելու են «Հեզբոլահ»-ի ռազմական հզորությունը զենքի և զենքի կուտակման առումով, որոնք նախատեսված են իսրայելցի խաղաղ բնակչության և բնակեցված տարածքների դեմ ահաբեկչական հարձակումների համար»,-ասվում է հայտարարության մեջ:
Բաժանորդագրվեք մեր ալիքին Telegram-ում