Հիմք չունեմ մտածելու, թե այստեղ դատական համակարգի անկախությունը թուլացնելու միտում կա. Սվիտալսկի

2 րոպեի ընթերցում

ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Հայաստանում Եվրամիության դեսպան Պյոտր Սվիտալսկին, հաշվի առնելով հայաստանցի գործընկերների հետ քննարկումները, պատճառ չի տեսնում անհանգստանալու, թե դատական իշխանության անկախությունը թուլացնելու միտում կա:

«Արմենպրես»-ի հաղորդմամբ՝ Սվիտալսկին նման տեսակետ հայտնեց ասուլիսում՝ անդրադառնալով տեսակետներին, թե դատաիրավական համակարգում բարեփոխումներով հատկապես վեթինգով, անցումային արդարադատությամբ իշխանությունը փորձում է ստեղծել իրենց ենթակա դատական համակարգ:

«Երբ ասում ենք անկախ դատական իշխանություն, ի նկատի ունենք իրապես անկախ իշխանություն, որը պաշտպանված է անհարկի, ոչ օրինական միջամտություններից: Իշխանության երեք ուժերի կատարյալ բաժանումը մեզ համար շատ կարևոր է: Դատական իշխանությունը հանդիսանում է վստահելի և արդյունավետ արդարադատության հենքը: Եվ ես որևէ պատճառ չունեմ այս պահին, հաշվի առնելով նաև բոլոր այն քննարկումները, որոնք տեղի են ունեցել անցյալ շաբաթ, անհանգստանալու, որ կա որևէ միտում՝ որևէ կերպ թուլացնելու դատական իշխանության անկախությունը Հայաստանի Հանրապետությունում: Հայ գործընկերների հետ մեր քննարկումների շրջանակում անկախության գաղափարը գերակայել է, հավանաբար ամենակարևորն է եղել: ԵՄ-ն Հայաստանի հետ քաղաքական երկխոսություն սկսել է, մասնավորապես, դատաիրավական ոլորտում։ Դա նշանակում է, որ մենք քննարկում ենք և շարունակելու ենք քննարկել այս հարցերն աշնանը»,-ասաց Սվիտալսկին:

Նա նշեց՝ բարեփոխումները պետք է իրականացվեն ՀՀ սահմանադրության համաձայն, վստահ է, որ դա չափազանց կարևոր բաղադրիչ է: Դեսպանը նաև կարևորեց, որ բարեփոխումների ջանքերը միջազգային ստանդարտներին համապատասխան լինեն: «Խոսքը, մասնավորապես, Եվրախորհրդի ստանդարտների մասին է, ՀՀ կառավարությունը շատ սերտորեն գործակցում է մեր գործընկերների հետ Եվրախորհրդում, նախարարն էր այցելել Ստրասբուրգ, փորձագետներ էին այցելել Հայաստան՝ խնդիրները հայ գործընկերների հետ քննարկելու համար»,-ասաց Սվիտալսկին:

Նա նկատեց՝ տեղի է ունենում երկխոսություն, ինչը շատ կարևոր է:

Հայերեն Français

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն