1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Եվրոպայի մինչև 19 տարեկանների երևանյան առաջնությունը մեկօրյա դադարից հետո վերսկսվում է:
«Արմենպրես»-ի հաղորդմամբ` A խմբում մրցաշարի ֆավորիտներից մեկը` Իսպանիայի ընտրանին, 18:45-ին «Բանանց» մարզադաշտում կմրցի Պորտուգալիայի հետ: Երկու թիմերն էլ իրենց առաջին խաղում հաղթել են: Ժամը 21:00-ին Հանրապետական մարզադաշտում Հայաստանի ընտրանին կխաղա Իտալիայի հետ:
A խմբում Իսպանիան և Պորտուգալիան ունեն 3-ական միավոր: Հայաստանը և Իտալիան միավորներ չունեն:
Եվրոպայի 2019 թվականի մինչև 19 տարեկանների առաջնությունն այս տարի անցկացվում է Հայաստանում: Հանդիպումները կայանում են Հանրապետական, «Բանանց», ՀՖՖ տեխնիկական կենտրոնի մարզադաշտերում:
8 թիմերը բաժանված են երկու ենթախմբերի` A, B: A խմբում Հայաստանի ընտրանու հետ ընդգրկված են նաև Իսպանիայի, Իտալիայի և Պորտուգալիայի հավաքականները: B խմբում կմրցեն Նորվեգիայի, Իռլանդիայի, Չեխիայի և Ֆրանսիայի ընտրանիները:
Եվրո-2019-ի տոմսերն արժեն 200-500 դրամ: