Երևան-Սևան ավտոճանապարհի մի հատվածում նոյեմբերի 8-ին երթևեկության փոփոխություններ կլինեն

Նոյեմբերի 8-ին ժամը 08:00-18:00-ն Մ-4՝ Երևան-Սևան-Իջևան-ՀՀ սահման միջպետական նշանակության ավտոճանապարհի 9.6-րդ կմ-ում՝ Հյուսիսային ավտոկայանի դիմաց, ժամանակ առ ժամանակ կփոխվի ճանապարհային երթևեկության կազմակերպումը։

«Արմենպրես»-ի փոխանցմամբ՝ «Ճանապարհային դեպարտամենտ» հիմնադրամից հայտնում են, որ փոփոխությունները պայմանավորված են վերգետնյա հետիոտնային անցման թռիչքային սալերի տեղադրման աշխատանքներով։