Հայաստանի Մ-16 հավաքականը հաղթեց Բոսնիայի և Հերցեգովինայի ընտրանուն 

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Բոսնիայի մայրաքաղաք Սարաևոյում կայացավ ՈՒԵՖԱ-ի Զարգացման մրցաշարի Բոսնիա և Հերցեգովինայի ու Հայաստանի Մ-16 ֆուտբոլային հավաքականների հանդիպումը:

«Արմենպրես»-ի փոխանցմամբ` այս մասին հայտնում է ՀՖՖ-ն: Խաղն ավարտվեց ոչ-ոքի՝ 0:0 հաշվով: Հետխաղային 11-մետրանոցներով հաղթեցին մեր ընտրանու ֆուտբոլիստները՝ 6:5 հաշվով:

Հայաստանի Մ-16 հավաքական՝ 12. Ռաֆայել Մանասյան, 2. Էդգար Թամազյան, 3. Վահրամ Մախսուդյան, 4. Ստյոպա Մկրտչյան, 7. Լևոն Վարդանյան, 9. Արթուր Սերոբյան, 10. Յուրի Քոլոզյան, 11. Դավիթ Ոսկանյան, 16. Սերյոժա Բաբայան, 20. Էրիկ Սմբաթյան, 21. Սպարտակ Հայրապետյան: