BraVo մրցանակը երաժշտական մշակույթի բնագավառում ներդրած ավանդի համար շնորհվել է Շառլ Ազնավուրին
1 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: «Համաշխարհային երաժշտական մշակույթի բնագավառում ներդրած ավանդի համար» BraVo միջազգային պրոֆեսիոնալ երաժշտական մրցանակը հետմահու շնորհվել Է ֆրանսիացի շանսոնիե Շառլ Ազնավուրին: Դափնեկիրների հայտարարման արարողությունը մարտի 21-ին տեղի Է ունեցել Կրեմլի պետական պալատում, տեղեկացնում Է «Արմենպրես»-ը՝ հղում անելով ՏԱՍՍ-ին:
«Աշխարհը կորցրեց մեծ արտիստի, բայց նրա արվեստը շարունակում Է ապրել եւ դեռ երկար ու երկար կլուսավորի ոչ մեկ սերունդ: Եվ այսօր «Համաշխարհային երաժշտական մշակույթի բնագավառում ներդրած ավանդի համար» անվանակարգում BraVo միջազգային պրոֆեսիոնալ երաժշտական մրցանակը մենք շնորհում ենք Շառլ Ազնավուրին»,- հայտարարել Է արարողությունը վարող Ֆիլիպ Կիրկորովը: Արձանիկը կհանձնվի երգչի ընտանիքին:
Ազնավուրի «Հավերժական սեր» երգը համերգի ժամանակ կատարել Է Թամարա Գվերդծիթելին:
«Անկարելի Է Շառլ Ազնավուրի մասին խոսել անցյալ ժամանակով: Դա համաշխարհային երաժշտության գանձարան Է: Շնորհակալություն, մաեստրո, ձեր երաժշտության, երգերի համար, որոնք ավելի գեղեցիկ, ավելի երջանիկ դարձրեցին մեր աշխարհը»,- ասել Է նա: