Պորոշենկոն հայտարարեց Ուկրաինայում ռազմական դրության դադարեցման մասին

ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն դեկտեմբերի 26-ին պաշտոնապես հայտարարել Է երկրում ռազմական դրության գործողության դադարեցման մասին, տեղեկացնում Է «Արմենպրես»-ը: «Այսօր ժամը 14:00-ին (Երեւանի ժամանակով ժամը 16:00-ին) դադարեցվում Է ռազմական դրությունը: Սա իմ սկզբունքային որոշումն Է, այն հիմնված Է անվտանգության ոլորտի ընթացիկ իրադրության բոլոր բաղադրիչների վերլուծության վրա»,-ասել Է նա, նշելով, որ առայժմ չի պլանավորում երկարացնել դրա ժամկետը:

Նա հատուկ ռեժիմը չերկարացնելու իր որոշումը բացատրել Է ընտրելու եւ ընտրված լինելու քաղաքացիների իրավունքը չսահմանափակելու ցանկությամբ: Պորոշենկոն երաշխավորել Է, որ նախագահական ընտրութունները կկայանան 2019 թվականի մարտի 31-ին, ինչպես եւ պլանավորված Էր:

Ռազմական դրությունը նոյեմբերի 26-ին 30 օրով մտցվել Էր Ուկրաինայի տասը մարզում: Ռազմական դրություն սահմանելու պատճառ Էր դարձել Կերչի նեղուցի միջադեպը նոյեմբերի 25-ին, երբ Ուկրաինայի ռազմածովային ուժերի երեք նավեր խախտեցին ՌԴ-ի տարածքային ջրերով անցնելու կարգը Սեւ ծովից Ազովի ծով նավարկելիս: Նավերը կալանվել են զենքի կիրառմամբ, իսկ անձնակազմի 24 անդամներ Սիմֆերոպոլի դատարանի կողմից ձերբակալվել են ՌԴ-ի պետական սահմանն անօրինականորեն հատելու մեղադրանքով, հաղորդել Է ՏԱՍՍ-ը: