1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի Մարսել քաղաքի կենտրոնում փրկարարները շենքի փլվածքների տակից հանել են հինգերորդ զոհվածի մարմինը: Նոյեմբերի 7-ին այս մասին հայտնել Է Agence France-Presse-ը (AFP)՝ վկայակոչելով քաղաքի դատախազ Քսավիե Տարաբյոյին, տեղեկացնում Է «Արմենպրես»-ը:
Ավելի վաղ հաղորդվել Էր, որ փլվածքների տակից հանել են երկու տղամարդու եւ երկու կնոջ մարմիններ: Նոյեմբերի 6-ի առավոտյան Տարաբյոն հայտարարել Էր, որ բեկորների տակ կարող Է գտնվել եւս հինգից մինչեւ ութ մարդ: Նոյեմբերի 5-ի առավոտյան Մարսելի կենտրոնական թաղամասերից մեկում տեղի Է ունեցել վթարային վիճակում գտնվող երկու շենքերի փլուզում: Դրանցից մեկում, նախնական տեղեկատվությամբ՝ արտակարգ պատահարի պահին կարող Էր գտնվել 12 մարդ:
Մյուս շենքի բնակիչներն ավելի վաղ տարաբնակեցվել են, սակայն փրկարարները չեն բացառում, որ փլվելու պահին այնտեղ կարող Էին անօթեւաններ լինել:
Առնվազն ինը բնակիչ անհայտ կորած Է համարվում, հաղորդել Է ՏԱՍՍ-ը:
Լուսանկարը` AFP